May Britt Haukås

May Britt Haukås (f. 1955) kjem frå Brattvåg i Haram kommune, og flytta til Ålesund i 1995. Ho starta karrieren som journalist i lokalavisa Haramsnytt i 1987, der ho også var redaktør ein periode. Etter ei tid som frilansjournalist for Sunnmørsposten, fekk ho jobb i NRK Møre og Romsdal i 1992. Der er ho programleiar og reporter på radio og TV. Våren og sommaren 2007 var ho programleiar for Norge Rundt på NRK1. Haukås har vore fast programleiar for Naturtelefonen nesten heilt sidan starten hausten 1993. Ho er gift med Terje, har to barn og eitt barnebarn.